Tbilisidə
Xocalıya həsr olunmuş elmi konfrans
“Xocalıya ədalət!” kampaniyası çərçivəsində fevralın 24-də Tbilisi Beynəlxalq Akademiyasında “Xocalı qətliamı beynəlxalq hüquq kontekstində” adlı elmi konfrans keçirilib. Marneulidə fəaliyyət göstərən Azərbaycanlıların Mədəniyyət Mərkəzi (AMM) gənclər şöbəsinin və “Borçalı İrəli” İctimai Birliyinin birgə təşkil etdiyi tədbirdə alimlər, müəllim və tələbələr iştirak ediblər.
Qafqazın Geotarixi və Geosiyasi Araşdırmaları Beynəlxalq Mərkəzinin prezidenti, professor Quram Marxuliya çıxışında deyib ki, Xocalı faciəsi ermənilərin azərbaycanlılara və bölgədəki digər xalqlara qarşı törətdikləri yeganə vəhşilik deyil. İmperiya qüvvələrinin dəstəyinə arxalanan ermənilər dəfələrlə azərbaycanlılara, türklərə və gürcülərə qarşı qanlı cinayətlər, terror aktları törədiblər. Bunu sübut edən çox ciddi tarixi faktlar var.
AAM-in gənclər
şöbəsinin müdiri Nərgiz
Əliyeva “Xocalıya ədalət!” beynəlxalq kampaniyası
haqqında məlumat verib. Azərbaycan
səfirliyinin əməkdaşı Elcan İmamverdiyev, Gürcüstandakı Azərbaycanlı
Hüquqşünaslar Assosiasiyasının
sədri Əli Bədirov, professor Paata Kipiani, siyasətşünas
alim Qvenitadze Edişer, lektor Ziya Siçinava faciə
ilə bağlı fikirlərini bölüşüb,
bu hadisələrin beynəlxalq miqyasda soyqırımı statusu
almasının vacibliyini
vurğulayıblar.
Mədəniyyət.- 2015.- 27
fevral.- S. 10.