Mədəniyyət və turizm naziri Mətbuat Şurası tərəfindən mükafatlandırılıb

Azərbaycan Mətbuat Şurası mədəniyyət və turizm naziri Əbülfəs Qarayevi "Azərbaycanda informasiyalı cəmiyyət quruculuğundakı xidmətlərinə görə" diplomu ilə təltif edib.

İyulun 10-da Milli Kitabxanada keçirilən "Azərbaycan mətbuatı və milli mənəvi dəyərlərimiz" mövzusunda konfransda diplom Mətbuat Şurasının sədri Əflatun Amaşov tərəfindən nazir Əbülfəs Qarayevə təqdim olunub.

Konfrans Azərbaycan Respublikası Prezidentinin Administrasiyası rəhbərinin 6 iyun 2015-ci il tarixli sərəncamı ilə təsdiq olunmuş "Azərbaycan milli mətbuatının 140 illik yubileyinin qeyd olunması ilə əlaqədar Tədbirlər Planı"na əsasən Prezident Administrasiyası, Mədəniyyət və Turizm Nazirliyi, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu və Mətbuat Şurasının təşkilatçılığı ilə keçirilib.

Mədəniyyət.-2015.- 15 iyul.- S.8.