Çanaqqala savaşının 100 illiyi münasibətilə müsabiqə elan olunub

Türkiyənin ölkəmizdəki səfirliyinin mədəniyyət və tanıtma müşavirliyinin və Azərbaycan Yazıçılar Birliyinin (AYB) birgə təşkilatçılığı ilə Çanaqqala savaşına həsr edilmiş şeir, hekayə və məqalə nominasiyaları üzrə müsabiqə elan olunub. Müsabiqəyə əsərlər şərti imza ilə, çap halında 5 nüsxə olmaqla, zərfə qoyularaq təqdim edilməlidir. Üzərində şərti imza yazılmış başqa bir qapalı zərfdə isə müəllif haqqında məlumat və şəxsiyyət vəsiqəsinin surəti olmalıdır.

AYB mətbuat xidmətindən bildirilib ki, 5 nəfərdən ibarət münsiflər heyəti hər nominasiya üzrə 3 qalibi müəyyənləşdirəcək. Qaliblərin adları aprelin ortalarında elan olunacaq. May ayında qaliblərin Çanaqqalaya səyahət turu təşkil ediləcək.

Mədəniyyət.- 2015.- 11 mart.- S. 15.