“Dostluğun gücü”

Azərbaycan və Gürcüstan rəssamlarının sərgisi

Martın 6-dan 8-dək Bakıdakı “1969” qalereyasında Gürcüstan və Azərbaycan rəssamlarının əsərlərindən ibarət “Dostluğun gücü” adlı sərgi keçirilib. 8 Mart - Beynəlxalq Qadınlar Gününə həsr olunmuş sərgi Gürcüstan-Azərbaycan Mədəni Münasibətlər Assosiasiyasının dəstəyi ilə təşkil edilib.

Ekspozisiyada gürcü rəssamları Amiran Qoqolaşvili, Temur Maçavariani, Kote Amirecibi, Besik Arbolişvili, Tinatin Sanikidze və Mamuka Sesxladzenin, habelə Azərbaycan rəssamları Aida Əli, Ellada İsmayılova, Leyla Şirəli və Tural Muxtarzadənin əsərləri nümayiş etdirilir.

Tədbirin məqsədi Azərbaycan ilə Gürcüstan arasında mədəni sahədə qarşılıqlı münasibətləri möhkəmlətmək, Azərbaycan incəsənətini Gürcüstanda və gürcü incəsənətini Azərbaycanda populyarlaşdırmaqdır.

Mədəniyyət.- 2015.- 11 mart.- S. 5.