Sumqayıtda müəllimlərin sınaq qiymətləndirilməsi keçirilib

Mədəniyyət və Turizm Nazirliyi sistemində fəaliyyət göstərən uşaq musiqi, incəsənət və rəssamlıq məktəbləri müəllimlərinin peşəkarlıq səviyyəsinin qiymətləndirilməsi və əlavə təlim ehtiyaclarının müəyyənləşdirilməsi məqsədilə Nazirliyin müvafiq əmrinə uyğun olaraq müəllimlərin bilik və səriştəsinin sınaq qiymətləndirilməsi (test üsulu ilə) keçirilir.

Martın 15-də Sumqayıtda keçirilən sınaq qiymətləndirilməsində Sumqayıt şəhər, Abşeron, Xızı rayon uşaq musiqi və incəsənət məktəblərinin, habelə şəhərdə və Abşeron rayonunda fəaliyyət göstərən Cəbrayıl, Qubadlı, Laçın rayon uşaq musiqi məktəblərinin (17 məktəb) 20 ixtisas üzrə 1300-ə yaxın müəllimi iştirak edib.

Mədəniyyət.- 2015.- 18 mart.- S. 4.