Vaqif Mustafazadənin yubileyinə həsr olunmuş konsert

Bakı şəhər Vaqif Mustafazadə adına 2 nömrəli uşaq incəsənət məktəbinin təşkilatçılığı ilə R.Behbudov adına Dövlət Mahnı Teatrında Əməkdar incəsənət xadimi Vaqif Mustafazadənin 75 illik yubileyinə həsr olunmuş konsert keçirilib.

Tədbirdə görkəmli musiqiçinin həyat və yaradıcılığından danışılıb, onun Azərbaycanda caz musiqisinin inkişafında böyük rolu qeyd edilib.

Konsert proqramında A.Süleymanbəylinin rəhbərliyi altında məktəbin müəllim və şagirdlərinin ifasında Vaqif Mustafazadənin, Rauf Hacıyevin, Tofiq Quliyevin, Əlibaba Məmmədovun caz üslubunda aranjiman edilmiş əsərləri, habelə Qərb klassik və caz musiqisi səsləndirilib.

Mədəniyyət.- 2015.- 20 mart.- S. 5.