“Azərbaycan mədəniyyətini tanıyaq”

Tbilisidə mədəniyyət və incəsənət sərgisi

Tbilisidəki M.F.Axundzadə adına Azərbaycan Mədəniyyəti Muzeyində Beynəlxalq Muzeylər Günü ilə əlaqədar mayın 15-dən 20-dək “Azərbaycan mədəniyyətini tanıyaq” adlı sərgi keçirilib. Sərgiyə gələnlər Azərbaycan mədəniyyətini və incəsənət nümunələrini əks etdirən rəsm əsərləri, xalçaçılıq, misgərlik nümunələri, musiqi alətləri ilə maraqla tanış olurlar.

Sərgiyə baş çəkən 500-dən çox ziyarətçi - mədəniyyət və incəsənət xadimləri, diplomatlar, ictimaiyyət nümayəndələri, tələbələr, məktəblilər milli geyimlərimizdə şəkillər çəkdirib, əl işləri, xalçaçılıq sənətinin sirləri ilə maraqlanıblar.

Muzeyin əməkdaşları onlara Azərbaycanın tarixi, zəngin mədəni irsi, təbiəti, turizm imkanları barədə ətraflı məlumatlar veriblər. Sərgini ziyarət edənlər arasında Gürcüstanın Mədəniyyət və Abidələrin Mühafizəsi Nazirliyinin, Dünya Muzeylər Birliyinin, Tbilisidəki muzeylərin nümayəndələri, Azərbaycanın, ABŞ-ın və digər ölkələrin səfirliklərinin əməkdaşları da olublar.. Sərgini ziyarət edənlər arasında Gürcüstanın Mədəniyyət və Abidələrin Mühafizəsi Nazirliyinin, Dünya Muzeylər Birliyinin, Tbilisidəki muzeylərin nümayəndələri, Azərbaycanın, ABŞ-ın və digər ölkələrin səfirliklərinin əməkdaşları da olublar.

Mədəniyyət.- 2015.- 22 may.- S. 16.