Turizm və Menecment Universitetində maarifləndirmə tədbiri

Oktyabrın 30-da Azərbaycan Turizm və Menecment Universitetində Milli Məclisə seçkilərdə ilk dəfə səs verən gənclərin seçki maarifləndirilməsi ilə bağlı tədbir keçirilib. Prezident yanında Gənclər Fondunun dəstəyi və “Gənc Beynəlxalq Hüquqşünaslar” İctimai Birliyinin layihəsi çərçivəsində gerçəkləşən tədbirdə Bakı Dövlət Universitetinin müəllimi Tamam Cəfərova tələbələrə layihənin məqsədindən danışıb. İlk dəfə səs vermə hüququndan istifadə edəcək gənclər arasında maarifləndirmə işinin əhəmiyyəti vurğulanıb. Azərbaycan Dövlət Pedaqoji Universitetinin dosenti İradə Əliyeva gənclərin seçki prosesi və seçkidə iştirakla bağlı suallarını cavablandırıb.

Fariz

Mədəniyyət.- 2015.- 4 noyabr.- S. 10.