Almaniya jurnalı ölkəmiz haqqında

Almaniyanın “Business & Diplomacy” jurnalında dərc edilən “Azərbaycan: Odlar diyarı” adlı məqalədə Bakının tarixi və memarlıq abidələri barədə məlumat verilir.

Yazıda “Alov qüllələri” kompleksinin Bakının yeni simvollarından biri olduğu vurğulanır. Heydər Əliyev Mərkəzinin, Xalça Muzeyinin binaları xüsusi gözəlliyi ilə seçilən memarlıq abidələri kimi təqdim edilir. Bakının tarixini canlı yaşamaq üçün İçərişəhəri, Şirvanşahlar sarayını gəzmək tövsiyə olunur.

Məqalədə Quba və onun ətrafında mövcud olan təbii landşaft, Qusar rayonu ərazisindəki “Şahdağ” Turizm Mərkəzi barədə də söz açılır.

Mədəniyyət.- 2015.- 13 noyabr.- S. 9.