Xocalı rayon mədəniyyət işçilərinin müşavirəsi

Xocalı Rayon Mədəniyyət və Turizm Şöbəsində mədəniyyət müəssisələri işçilərinin seminar-müşavirəsi keçirilib. Şöbə Goranboy rayonunun Aşağı Ağcakənd qəsəbəsində fəaliyyət göstərir.

Tədbirdə Mədəniyyət və Turizm Nazirliyinin məsul əməkdaşlarının iştirakı ilə 13-14 oktyabr tarixində keçirilmiş mədəniyyət müəssisələrində işlərin təşkili və kargüzarlığın aparılmasına dair görüşün nəticələri müzakirə olunub.

Şöbənin müdiri Göyüş Həsənov, məsləhətçi Ruslan Bəşirov, MKS-nin direktor əvəzi Bəhram Məmmədov və rayon Mədəniyyət evinin direktoru Orxan Vahidoğlu nazirliyin əməkdaşları tərəfindən aşkar edilən nöqsanların aradan qaldırılması üçün verilən tapşırıq və tövsiyələri müşavirə iştirakçılarının diqqətinə çatdırıblar.

Mədəniyyət.- 2015.- 27 noyabr.- S. 13.