Cənubi Afrika Respublikası jurnalistlərinin Azərbaycana səfəri

Mədəniyyət və Turizm Nazirliyinin beynəlxalq fəaliyyətinin prioritetlərindən biri də Azərbaycanın turizm potensialının və mədəni irsinin dünyada təbliğidir. Bu istiqamətdə müxtəlif ölkələrin kütləvi informasiya vasitələri nümayəndələrinin mütəmadi olaraq ölkəmizə səfərləri təşkil edilir.

Bununla əlaqədar Azərbaycanın Cənubi Afrika Respublikasındakı səfirliyinin təşəbbüsü və nazirliyin təşkilatçılığı ilə bu ölkənin tanınmış jurnalistlərindən ibarət qrup oktyabrın 5-dən respublikamızda səfərdədir.

Oktyabrın 10-dək davam edəcək səfər çərçivəsində Bakı, Qəbələ və İsmayıllının mədəni, tarixi yerlərini ziyarət planlaşdırılır. Həmçinin Mədəniyyət və Turizm və Xarici İşlər nazirliklərinin rəsmiləri ilə görüşlərin təşkili nəzərdə tutulub.

Mədəniyyət.- 2015.- 7 oktyabr.- S. 3.