Türk dünyası fotoqraflarının görüşü

Oktyabrın 5-dən 11-dək Türkiyənin Karabük vilayətinin qədim Safranbolu şəhərində TÜRKSOY-un növbəti “Fotoqraflar görüşü” keçirilib. Yaradıcılıq görüşünə 18 türkdilli ölkə və diyardan 27 fotoqraf qatılıb.

İştirakçıların bölgənin müxtəlif tarixi məkanlarında, gəzməli-görməli yerlərində çəkdikləri fotolardan ibarət “Türk dünyası fotoqraflarının gözü ilə Safranbolu” adlı sərgi təşkil olunub.

TÜRKSOY-un “Fotoqraflar görüşü” ilə eyni vaxtda Safranboluda 16-cı beynəlxalq “Altın Safran” sənədli film festivalı (9-11 oktyabr) da gerçəkləşib. Qeyd edək ki, zəngin tarixi mirasa malik olan qədim Safranbolu şəhəri 1994-cü ildə UNESCO tərəfindən Dünya İrs Siyahısına daxil edilib.

Mədəniyyət.- 2015.- 14 oktyabr.- S. 16.