Beynəlxalq
memarlıq müsabiqəsinə yekun vuruldu
Oktyabrın
9-da Mədəniyyət və Turizm Nazirliyi və Azərbaycan Memarlar
İttifaqının təşkilatçılığı,
Beynəlxalq Memarlar İttifaqının dəstəyi
ilə keçirilən II Bakı Beynəlxalq Memarlıq
Müsabiqəsinin bağlanış və qaliblərinin
mükafatlandırma mərasimi oldu.
Mərasimdə çıxış edən mədəniyyət və turizm nazirinin müavini Ədalət Vəliyev son illər Azərbaycanın bir çox beynəlxalq mədəniyyət, humanitar və idman tədbirlərinə ev sahibliyi etdiyini bildirdi, ikinci dəfə keçirilən Bakı Beynəlxalq Memarlıq Müsabiqəsinin də bu sırada özünə yer tutduğunu dedi. Qeyd olundu ki, ölkəmiz özünün zəngin memarlıq irsi, ənənələri ilə də dünyada tanınır. Bu gün Bakıda UNESCO tərəfindən bəşəriyyətin mədəni irs siyahısına daxil edilən Qız qalası, Şirvanşahlar saray kompleksi kimi memarlıq abidələri ilə yanaşı, paytaxtımızın simasını dəyişən, onun müasir rəmzlərinə çevrilən binalar da var və yeniləri inşa olunmaqdadır.
Beynəlxalq Memarlar İttifaqının baş katibi Tomas Voiner müsabiqənin yüksək səviyyədə keçirildiyini vurğuladı, bu işdə əməyi olan hər kəsə öz minnətdarlığını bildirdi. Qonaq bu günlər ərzində Bakının arxitekturası ilə tanış olmaq imkanı qazandığını da diqqətə çatdırdı.
Azərbaycan Memarlar İttifaqının sədri Elbay Qasımzadə II Bakı Beynəlxalq Memarlıq Müsabiqəsi haqqında ətraflı məlumat verdi. Bildirdi ki, müsabiqəyə qatılan ölkələrin sırası genişlənir. 2013-cü ildə ilk müsabiqədə 30 ölkə təmsil olunmuşdu. Budəfəki müsabiqəyə 37 ölkədən 250-dək layihə təqdim olunub. Qeyd etdi ki, bütün layihələrdən ibarət xüsusi kataloq nəşr olunacaq.
Sonra qaliblər
elan olundu və mükafatlar təqdim edildi. Qeyd edək
ki, müsabiqə yeddi nominasiya üzrə keçirilib.
“İctimai binaların memarlığı sahəsində
həyata keçirilmiş
ən yaxşı layihə” nominasiyasında
birinci yerə Çovdhuri Kaşef Mahboob (Banqladeş), ikinci yerə Qarsia Fernandes (İspaniya), üçüncü
yerə Tiaqo Reis De
Oliveira (Portuqaliya) layiq
görüldü.
“Yaşayış binalarının
memarlığı sahəsində
həyata keçirilmiş
ən yaxşı layihə” nominasiyasında
I yeri Takuro Yamamoto (Yaponiya), II yeri Marcelino Migvel (Portuqaliya), III yeri Humberto Conde (Portuqaliya) qazandı.
“Həyata keçirilmiş
ən yaxşı interyer” nominasiyasında birinci Rasim Babakişiyev
(Azərbaycan) oldu. İkinci mükafatı
Valentirov Olexiy (Ukrayna), üçüncü
mükafatı Marc Benjamin (Almaniya)
aldı.
“Həyata keçirilməmiş
ən yaxşı layihə” nominasiyası üzrə qalib Paolo Rossi
(Italiya), ikinci və üçünü
mükafatçılar Humberto
Conde (Portuqaliya) və Peretti Laura (İtaliya) oldu.
“Landşaft memarlığı
sahəsində həyata
keçirilmiş ən
yaxşı layihə”
nominasiyası üzrə
1-3-cü mükafatlara müvafiq
olaraq Raulino Ricardo
Oliveira (Portuqaliya), Nguyen Hoang Manh (Vyetnam) və Gascon Pepe (İspaniya ) layiq görüldülər.
“Binaların bərpası
və yenidən qurulması sahəsində
həyata keçirilmiş
ən yaxşı layihə” nominasiyası üzrə I yeri Çanq Yonq Ter (Sinqapur) qazandı, II yerə Gascon Pepe (İspaniya),
III yerə Vasco Matias Correia (Portuqaliya) sahib oldular.
“Memarlıq sahəsində
ən yaxşı nəşr” nominasiyası
üzrə birinci yeri Cumamedel İmankulov (Qırğızstan),
2-3-cü yerləri Elçin
Əliyev (Azərbaycan)
və İqor Voskresenski (Rusiya) qazandılar.
Qaliblərə diplom və pul mükafatları təqdim olundu. Müsabiqənin ümumi mükafat fondu 52500 manat təşkil edib.
Qeyd edək ki, qalibləri Beynəlxalq Memarlar İttifaqının baş katibi Tomas Voiner, qurumun sabiq prezidenti Vassilis Sgoutas və sabiq baş katibi Mişel Barmaki, vitse-prezident Haydar Ali, Fransa memarlarının milli ittifaqının prezidenti Catherine Jacquot və Azərbaycan Memarlar İttifaqının sədri Elbay Qasımzadənin daxil olduğu münsiflər heyəti müəyyənləşdirib.
Fariz Hüseynov
Azərbaycan Respublikası Mədəniyyət
və Turizm Nazirliyi
Mədəniyyət.- 2015.- 14
oktyabr.- S. 5.