Orta Asiya və İpək Yolunun folkloru

Koreya Respublikasında keçirilən konfransda “Kitabi-Dədə Qorqud” haqqında danışılıb

Oktyabrın 15-də Koreya Respublikasının Tequ şəhərində “Orta Asiya və İpək Yolunun folkloru, incəsənəti və musiqisi” mövzusunda beynəlxalq konfrans işə başlayıb.

UNESCO, TÜRKSOY və Tequda yerləşən Keymunq Universiteti tərəfindən keçirilən beynəlxalq konfransda Türkiyə, Rusiya, İran, Azərbaycan, Özbəkistan, Qazaxıstan, Qırğızıstan, Tacikistan və Monqolustan alimləri 30-dan artıq məruzə ilə çıxış ediblər.

Azərbaycanlı alimlərdən Bakı Dövlət Universitetinin professoru Ramiz Əsgərin “Dədə Qorqud dastanı - türk dünyasının rəngli aynası” adlı məruzəsi iştirakçılar tərəfindən maraqla qarşılanıb. Məruzədə “Kitabi-Dədə Qorqud” dastanının quruluşu, tarixi, etnoqrafik özəllikləri, nəşri və tədqiqindən bəhs olunub.

Mədəniyyət.- 2015.- 16 oktyabr.- S. 3.