“Sevilən mahnılar axşamı”

Oktyabrın 21-də Heydər Əliyev Sarayında Azərbaycanın Dövlət Müstəqilliyi Gününə həsr olunmuş bayram konserti keçirilib.

Sarayın təşkilatçılığı ilə keçirilən “Sevilən mahnılar axşamı” adlı konsertdə Xalq artisti, müğənni Bilal Əliyev, Əməkdar artist, skripkaçı Səlim Abbasov, müğənnilər Yaşar Cəlilov, Bahar Lətifqızı, Güllü Muradova, Nicat Cəfərzadə, aşıq Zülfiyyə, Məmməd Nəcəfov və başqaları çıxış ediblər.

Tamaşaçılar incəsənət ustalarının çıxışlarını böyük maraqla izləyiblər və ifaları sürəkli alqışlarla müşayiət ediblər. Musiqi axşamına Qarabağ müharibəsi veteranları və əlillər cəmiyyətlərinin üzvləri, onların ailə üzvləri, kimsəsiz, əlil və Daun sindromlu uşaqlar da dəvət olunublar.

Mədəniyyət.- 2015.- 23 oktyabr.- S. 8.