“Beynəlxalq məktəb kitabxanaları günü” qeyd olunub

“Beynəlxalq məktəb kitabxanaları günü” UNESCO-nun təşəbbüsü ilə 1999-cu ildən etibarən qeyd olunur. Oktyabrın 22-də bu münasibətlə Yasamal rayon MKS-nin Mərkəzi Kitabxanasının əməkdaşları - Uşaq şöbəsinin müdiri Sevil Namazova, metodika və biblioqrafiya şöbəsinin müdiri Aysel İsmayılova 158 saylı orta məktəbdə uşaqlarla görüş keçiriblər.

Görüşdə əsas məqsəd uşaqların kitaba, mütaliəyə marağının artırılması, onların kiçik yaşlardan kitabxana ilə tanışlığı idi. 1-ci sinif şagirdləri oxuduqları nağıllar, hekayələr barədə danışıblar. Məktəbin rəhbərliyi MKS-nin əməkdaşlarına təşəkkürünü bildirib.

Mədəniyyət.- 2015.- 28 oktyabr.- S. 14.