“Gəncə avropalı gənclərin gözü ilə”

Tallinin “Artis” intellektual kino mərkəzinin sərgi zalında Azərbaycanın Estoniyadakı səfirliyinin dəstəyi ilə “Gəncə avropalı gənclərin gözü ilə” mövzusunda sərgi açılıb. Sərgi gənc eston fotoqrafı Liis Ryayman tərəfindən təşkil edilib.

Səfirlikdən bildirilib ki, sərgidə nümayiş olunan fotoşəkillər bu ilin iyul ayında Azərbaycan Respublikasının Prezidenti yanında Gənclər Fondunun “Gəncə - Avropa Gənclər Paytaxtı 2016” layihəsi çərçivəsində keçirilmiş beynəlxalq fotomüsabiqənin mükafatına layiq görülmüş işlərdir. Fotomüsabiqənin məqsədi Avropa və Azərbaycan gəncləri arasında əlaqələr yaratmaq, avropalı gəncləri Azərbaycanın ikinci böyük şəhərinin timsalında ölkənin mədəniyyəti ilə tanış etməkdir. Sərgi noyabr ayı ərzində nümayiş olunacaq.

Mədəniyyət.- 2015.- 28 oktyabr.- S. 2.