Qəbələ muzeyində xalq sənəti nümunələri

Azərbaycanın qədim xalq sənətinin nümunələri arasında nəccarlıq xüsusi yer tutur. Nəccarlıq sənəti ilə bir çox bölgələrimizdə məşğul olmuşlar. Adətən vələs, tut və fıstıq ağaclarından hazırlanan bu nümunələr Qəbələ Rayon Tarix-Diyarşünaslıq Muzeyinin ekspozisiyasında da qorunmaqdadır. Ağacdan hazırlanan vəl, xış, xəmir təknələri, müxtəlif formalı tabaqlar, dördayaqlar, çömçələr və s. muzeyin ekspozisiyasını bəzəməkdədir. Onu da qeyd edək ki, XX əsrin ortalarınadək bu sənətə tələbat çox olub. Son zamanlar elm və texnikanın inkişafı ilə əlaqədar olaraq bu sənətkarlıq növü də tarixə qovuşur. Artıq bu sənətlə məşğul olanlara az rast gəlmək olar.

Mədəniyyət.- 2015.- 30 oktyabr.- S. 10.