“İmicin bilgiyə və ya bilginin imicə təsiri”

Bakı Slavyan Universitetinin Azərbaycan ədəbiyyatı kafedrasının müdiri, professor Rəhilə Qeybullayeva Belçikada “İmicin bilgiyə və ya bilginin imicə təsiri” mövzusunda beynəlxalq konqresdə iştirak edib. Konqres Beynəlxalq Vizual Semiotika Təşkilatının və Belçikanın Lyoj Universitetinin birgə təşkilatçılığı ilə keçirilib.

Beynəlxalq tədbirdə azərbaycanlı alimin “Vizuallıqdan mədəniyyət matrisasına: “namaz” sözü və ritualı” mövzusunda məruzəsi böyük maraqla qarşılanıb.

Burada müəllif “namaz” sözü ilə eyni söz martisasında ola bilən sözləri, onların vizual formalarını araşdırıb.

Müasir dövrdə elmi fənnə çevrilən koqnitiv mədəniyyət müqayisəli mədəniyyət fənninin bir bölümüdür. Vizual semiotika həm fənn, həm də ayrıca elmi araşdırma metoduna çevrilib.

Mədəniyyət.- 2015.- 16 sentyabr.- S. 15.