Tarixi irsimiz kitab səhifələrində

Milli Azərbaycan Tarixi Muzeyi sərgi-yarmarkada nəşrlərini təqdim edəcək

Mədəniyyət və Turizm Nazirliyinin təşkilatçılığı ilə 16-18 sentyabr tarixində keçiriləcək IV Bakı Beynəlxalq Kitab Sərgi-Yarmarkasında AMEA-nın Milli Azərbaycan Tarixi Muzeyi də öz stendi ilə iştirak edəcək. Sərgi-yarmarkada muzey tərəfindən nəşr etdirilən elmi kitablar, muzeyin eksponatları və kolleksiyalarına həsr edilən kataloqlar, həmçinin bukletlər və digər materiallar nümayiş olunacaq.

Qeyd edək ki, bu il 95 yaşı tamam olan muzeyin zəngin kolleksiyasının tanıdılmasında, eləcə də elmi tədqiqatların geniş oxucu kütləsinə çatdırılmasında müxtəlif nəşrlər hazırlanır.

2001-ci ildən başlayaraq nəşr olunan illik elmi toplu muzeyin ötən əsrin 50-ci illərindən çıxan elmi məqalələr toplusunun davamıdır. “Azərbaycan generalları”, “Elmin qızıl fondu”, “Azərbaycan bayraqları”, “Bakının teatr həyatı”, “Qarabağ xalçaları”, “Azərbaycanda kağız pul nişanları və qiymətli kağızlar”, “Azərbaycanda dövlətçilik və onun rəmzləri”, “Milli Azərbaycan Tarixi Muzeyinin kolleksiyasının inciləri”, “Azərbaycan numizmatikası” və digər kitablar bu qəbildəndir.

Mədəniyyət.- 2015.- 16 sentyabr.- S. 14.