İki ölkə arasında mədəni əlaqələr yüksək qiymətləndirilib

Yanvarın 15-də Azərbaycanda Atatürk Mərkəzinin direktoru, Milli Məclisin Mədəniyyət komitəsinin sədri, AMEA-nın müxbir üzvü Nizami Cəfərov da Bakıdakı Misir Mədəniyyət Mərkəzində olub.

Mərkəzin müdiri Ahmed Sami Elaydi qurumun yaranma tarixindən, fəaliyyətindən, Misir ilə Azərbaycan arasındakı tarixi dostluq münasibətlərindən, mədəniyyət və elm sahəsindəki əməkdaşlıqdan söz açıb.

Professor Nizami Cəfərov ölkələrimiz arasında mədəni əlaqələrin gələcəkdə daha da genişləndirilməsinin vacibliyini vurğulayıb. İki ölkə arasında birgə tədbirlərin keçirilməsi barədə fikir mübadiləsi aparılıb.

Mədəniyyət.- 2015.- 16 yanvar.- S. 4.