Rəqəmsal marketinq mövzusunda treninq

Azərbaycan Turizm və Menecment Universitetində “Yeni iqtisadi sistem, yeni marketinq konsepsiyası - rəqəmsal marketinq” mövzusunda təlim keçirilib. Biznes idarəçiliyi fakültəsinin marketinq kafedrasının təşkil etdiyi tədbirə “Çinici” şirkətinin marketoloqu və PR meneceri Pərvanə Fikrətli təlimçi kimi dəvət olunub.

Treninqdə marketinq əməkdaşları və tələbələr iştirak ediblər.

P.Fikrətli rəqəmsal marketinq və sosial marketinqin Azərbaycanda mövcud vəziyyətindən və əhəmiyyətindən danışıb, həmçinin mövzu ilə əlaqədar qabaqcıl şirkətlərin iş prinsipindən nümunələr təqdim edib.

Sonda təlimə qatılan tələbələrə sertifikatlar təqdim edilib.

Fariz Hüseynov

Mədəniyyət.- 2016.- 8 aprel.- S. 5.