Mədəni irsimiz fotolarda

Mədəniyyət və Turizm Nazirliyinin dəstəyi və “Abşeron” Gənclərin İnkişafı İctimai Birliyinin təşkilatçılığı ilə “Mədəni irsimiz fotolarda” adlı fotosərgi açılıb.

Gənc fotoqrafların vətənimizin mədəni irs nümunələrini əks edən işlərindən ibarət sərgi “Art Villa” qalereyasında təşkil olunub.

60-dək fotoportretin nümayiş olunduğu ekspozisiyada memarlıq, monumental mədəniyyət və Azərbaycanın milli ənənələrinə həsr olunmuş mövzular yer alıb.

Layihə milli-mədəni irsin təbliği, tarixi mədəniyyət obyektlərinin, incəsənət ocaqlarının, teatr və muzeylərin, eləcə də mədəniyyət və incəsənət xadimlərimizin yerli və xarici vətəndaşlar tərəfindən yaxından tanınması məqsədilə həyata keçirilib.

Mədəniyyət.- 2016.- 31 avqust.- S.10.