Həmədanda aşıqlar dərnəyi yaradılıb

Güney Azərbaycanın Həmədan əyalətində İran Aşıqlar Birliyinin sədri Səlcuq Şahbazinin rəhbərliyi ilə aşıqlar dərnəyi yaradılıb.

Dərnəyin yaradılması ilə bağlı açıqlama verən S.Şahbazi Həmədan əyalətində aşıq musiqisinin yox olmaq təhlükəsi ilə üz-üzə qaldığını bildirib. “Biz bu dərnəyi yaratmaqla Həmədanda aşıq musiqisini yenidən canlandırmağı qarşımıza məqsəd qoymuşuq. Aşıq musiqisi ilə milli kimliyimizi təsdiq etməyə çalışırıq”, - deyə aşıq söyləyib.

Mədəniyyət.- 2016.- 10 fevral.- S. 15.