ATMU-nun rektoru beynəlxalq təhsil sammitində iştirak edib

Azərbaycan Turizm və Menecment Universitetinin (ATMU) rektoru, professor Cəfər Cəfərov Avrasiya Universitetlər Birliyinin təşkilatçılığı ilə Türkiyənin İstanbul şəhərində keçirilən Avrasiya Beynəlxalq Yüksək Təhsil Zirvəsində iştirak edib. 2008-ci ildə İstanbul Aydın Universitetinin təşəbbüsü ilə təsis olunan Avrasiya Universitetlər Birliyi 80-dən artıq universiteti özündə birləşdirir.

Üç gün davam edən toplantıda dünyanın müxtəlif universitet və təhsil şirkətlərinin nümayəndələri iştirak edib. Tədbir çərçivəsində təhsildə prioritet sayılan istiqamətlər üzrə müxtəlif panellərin təşkili ilə yanaşı, iştirakçı universitetlər üçün təhsil sərgisi fəaliyyət göstərib.

Mədəniyyət.- 2016.- 24 fevral.- S. 9.