Qubalılar üçün “Xəcalət” tamaşası nümayiş olunub

Azərbaycan Dövlət Akademik Milli Dram Teatrı Bəşir Səfəroğlu adına Quba Mədəniyyət evində “Xəcalət” tamaşasını təqdim edib. Yazıçı-dramaturq Hüseynbala Mirələmovun eyniadlı əsəri əsasında səhnələşdirilən tamaşanın quruluşçu rejissoru Əməkdar incəsənət xadimi Bəhram Osmanovdur.

Rolları xalq artistləri Nurəddin Mehdixanlı, Ramiz Novruz, əməkdar artistlər Mətanət Atakişiyeva, Əlvida Cəfərov, Məzahir Cəlilov və aktrisa Xədicə Novruzlu ifa ediblər.

Səhnə əsərində müharibənin yaratdığı faciələr bir ailənin timsalında təsvir olunur. Tamaşa Qarabağ müharibəsində çiyin-çiyinə vuruşan, lakin müharibədən sonra uzun müddət bir-birindən ayrı düşən iki uşaqlıq dostunun görüşündən bəhs edir.

Mədəniyyət.-2016.- 20 iyul.- S.5.