Musiqili Teatrda tanınmış aktyorun xatirəsi anılıb

Aprelin 30-da Əməkdar artist, özünəməxsus ifa tərzi və koloritli yumor hissi ilə tamaşaçıların yaddaşında iz qoymuş Xanlar Muradovun anadan olmasının 70 ili tamam oldu. Aktyor 1975-ci ildən dünyasını dəyişdiyi 2005-ci ilə qədər Azərbaycan Dövlət Musiqili Teatrında fəaliyyət göstərib, bir-birindən maraqlı obrazlar canlandırıb.

Aktyorun doğum günündə teatrda O.Kazımi və R.Heydərin “Qızıl toy” musiqili komediyasının növbəti nümayişi onun xatirəsinə həsr olunub. Vaxtilə Xanlar Muradov bu tamaşada Rəhim kişi obrazını canlandırıb.

Mədəniyyət.- 2016.- 4 may.- S. 4.