İşğal altında qalan abidələrdən söz açılıb

Quba rayon Mərkəzi kitabxanasında “Ermənistanın işğalı nəticəsində məhv və qəsb edilmiş tarixi və mədəni abidələrimiz haqqında məlumatların təbliği” mövzusunda tədbir keçirilib. Tədbir MKS və “Sağlam yaşa” Gənclərin Maarifləndirilməsi İctimai Birliyinin təşkilatçılığı, Mədəniyyət və Turizm Nazirliyinin dəstəyi ilə gerçəkləşib.

Layihənin rəhbəri Tələt Qəribov mövzu barədə danışıb, Qarabağ ərazisindəki abidələrimizə həsr olunan video-rolik nümayiş etdirilib.

MKS-nin direktoru Saməddin Nəsirov, rayon Tarix-Diyarşünaslıq Muzeyinin əməkdaşı Minurə Musayeva, Şəhidlər Muzeyinin direktor müavini, Ağdam rayonundan olan məcburi köçkün Həqiqət Hüseynova və başqaları işğal altında qalan tarixi irsimiz, xüsusilə də Ağdamdakı abidələr barədə söz açıblar.

Mədəniyyət.- 2016.- 18 may.- S. 11.