Şəhid rejissor Vaqif Əhmədov adına təqaüd təqdim edilib

Cəfər Cabbarlı adına “Azərbaycanfilm” kinostudiyası və Azərbaycan Dövlət Mədəniyyət və İncəsənət Universiteti arasında imzalanan birgə əməkdaşlıq haqqında niyyət protokoluna əsasən şəhid rejissor Vaqif Əhmədov adına təqaüd təsis edilib. Təşəbbüsün məqsədi peşəkar kino məktəbinin istedadlı davamçılarını aşkar etmək, iddialı tələbələrə dəstək olmaqdır.

ADMİU-nun elmi şurasının qərarı ilə təqaüd rejissorluq fakültəsinin 4-cü kurs tələbəsi Günel Qafarovaya verilib. Noyabrın 2-də “Azərbaycanfilm” kinostudiyasında təqaüd tələbə-rejissora təqdim edilib.

Mədəniyyət.- 2016.- 4 noyabr.- S.4.