“Qalaaltı” kurortu Avropa Tarixi Termal Şəhərlər Assosiasiyasının kataloqunda

Kurort “Termal şəhərlər” beynəlxalq marşrutunun 2018-ci ildə baş konfransına ev sahibliyi edəcək

Xəbər verdiyimiz kimi, Mədəniyyət və Turizm Nazirliyi tərəfindən Avropa Tarixi Termal Şəhərlər Assosiasiyasının (EHTTA) “Termal şəhərlər” beynəlxalq mədəni marşrutuna qoşulması ilə bağlı həyata keçirilən layihə çərçivəsində Şabran rayonu ərazisindəki “Qalaaltı” sanatoriyası bu beynəlxalq marşruta üzv seçilib.

Bu barədə qərar 2016-cı ilin yanvarında Avropa Tarixi Termal Şəhərlər Assosiasiyasının Baş Assambleyasında keçirilən görüş zamanı qəbul edilib. Bu təşkilata 13 ölkədən 36 şəhər daxildir.

Mədəniyyət və Turizm Nazirliyi ilə EHTTA arasında sıx əməkdaşlıq çərçivəsində “Qalaaltı” kurort mərkəzi assosiasiyanın rəsmi kataloq və broşürlərinə daxil edilib. Assosiasiyaya üzv olan ölkələrin sırasına Azərbaycanın da xəritəsi salınıb.

Kataloqun elektron versiyası ilə aşağıdakı link vasitəsilə tanış olmaq olar:

http://www.mk.ru/editions/daily/2016/09/30/strana-ogney-poceluy-vostoka-s-zapadom.html

Qeyd edək ki, Avropa Tarixi Termal Şəhərlər Assosiasiyasının “Termal şəhərlər” beynəlxalq mədəni marşrutunun 2018-ci il üçün nəzərdə tutulmuş baş konfransının “Qalaaltı” kurort mərkəzində keçirilməsi planlaşdırılır.

Mədəniyyət.- 2016.- 7 oktyabr.- S.9.