Azərbaycanlı və rusiyalı opera cütlüyünün Moskva konsertləri anşlaqla keçib

Azərbaycanlı tenor və tanınmış opera müğənnisi Yusif Eyvazov həyat yoldaşı, dünya opera ulduzu Anna Netrebko ilə Moskvada konsert proqramı ilə çıxış edib. Moskvanın “Barvixa Luxury Village” konsert zalında baş tutan çıxışlar böyük coşqu ilə qarşılanıb.

Həmyerlilərimizin konserti Rusiya Dövlət Akademik Simfonik Orkestrinin müşayiəti ilə reallaşıb. Anşlaqla keçən konsert proqramında dünya operasından kompozisiyalar səsləndirilib.

Bu yaxınlarda adı “Dünyanın ən yaxşı tenorları” kitabına daxil edilən Yusif Eyvazov bir sıra beynəlxalq müsabiqələrin laureatı olmaqla yanaşı, Qran-pri mükafatının və Canandrea Havatseni adına fəxri medalın sahibidir. Onun repertuarı dramatik tenora xas obrazlarla zəngindir.

Mədəniyyət.- 2016.- 7 oktyabr.- S.16.