Muğam ifaçılarımız ABŞ-da “Leyli və Məcnun”dan parçalar təqdim ediblər

Muğam ustadı, Xalq artisti Alim Qasımov və qızı - Əməkdar artist Fərqanə Qasımova ABŞ-da silsilə konsert proqramı ilə çıxış edirlər.

Konsert proqramları zamanı ABŞ-ın Kaliforniya ştatında “Mart Morris” rəqs qrupunun iştirakı ilə “Leyli və Məcnun” operası təqdim olunub. Səhnə əsərində Məcnun rolunu Alim Qasımov, Leyli rolunu isə Fərqanə Qasımova ifa edib. “Yo-Yo Ma” və “İpək Yolu” ansamblının müşayiəti ilə baş tutan səhnə nümayişi maraqla qarşılanıb.

Qeyd edək ki, Alim Qasımov və Fərqanə Qasımovanın ABŞ-a səfər proqramına 11 konsert, həmçinin ustad dərsləri daxildir. Oktyabrın 16-dək davam edəcək konsert proqramları zamanı muğamlarımızla yanaşı, xalq və bəstəkar mahnıları da səslənir.

Mədəniyyət.- 2016.- 12 oktyabr.- S.8.