“Sözsüz” mükafatla geri dönüb

Gənc Tamaşaçılar Teatrı oktyabrın 11-dən 17-dək Litvanın Vilnüs və Visaginas şəhərlərində keçirilmiş “Atspindys” XI Beynəlxalq monotamaşalar festivalında ölkəmizi layiqincə təmsil edib. Festivalda Semuel Bekketin “Sözsüz” monotamaşası təqdim olunub. Rejissor İsa Əsədovun quruluşunda təqdim olunan səhnə əsərində Əməkdar artist Şövqü Hüseynov çıxış edib.

Festivalda ölkəmizlə yanaşı Rusiya, Litva, Belarus, Ukrayna, İtaliya, Slovakiya teatrlarının ümumilikdə 13 tamaşası nümayiş etdirilib. “Sözsüz” tamaşası festivalın xüsusi diplomuna və mükafatına layiq görülüb.

Mədəniyyət.- 2016.- 19 oktyabr.- S.3.