Xalçaçılıq sənətinin təbliği ilə bağlı layihə həyata keçirilir

Sentyabrın 4-də Sumqayıtda Gənclər Fondunun dəstəyi, Azərbaycan Xalça Muzeyinin və şəhər Gənclər və İdman Baş İdarəsinin birgə təşkilatçılığı ilə “Yeniyetmə və gənclər arasında xalçaçılıq sənətinin təbliği” adlı layihənin açılış mərasimi keçirilib.

Layihənin rəhbəri Elmin Fərruqov, layihənin koordinatoru, Azərbaycan Xalça Muzeyinin mətbuat katibi Fuad Rəsul və muzeyin Şuşa filialının müdiri Səbinə Əzizova cıxış edərək mədəni irsimiz olan xalçaçılıq sənəti və bu sənətin tarixi haqqında gənclərə ətraflı məlumatlar veriblər. Layihənin icrası müddətində yeniyetmə və gənclərin milli xalça sənəti barədə daha dolğun məlumatlandırılması üçün Azərbaycan Xalça Muzeyinə ekskursiyaların təşkil olunması nəzərdə tutulur.

Mədəniyyət.- 2016.- 7 sentyabr.- S.15.