Milli Qəhrəmanın xatirəsi
anılıb
Azərbaycanın
Milli Qəhrəmanı Etibar
İsmayılovun (1964-1994) xatirəsi Ağcabədi rayonunda onun adını
daşıyan Hindarx qəsəbə tam orta məktəbində
anılıb.
Mərasimdə Milli Qəhrəmanın ailə üzvləri, müəllimləri və döyüş dostları çıxış edərək onun mənalı həyat və döyüş yolundan danışıblar. Bildirilib ki, Etibar Bəylər oğlu İsmayılov 1990-cı ildə könüllü olaraq müdafiə batalyonlarından birinə yazılaraq Vətənimizin müdafiəsində iştirak edib, döyüşlərdə igidlik göstərib. 1994-cü il yanvarın 4-də Xocavənd rayonunun Nərgiztəpə və Ceyil yüksəkliyi istiqamətindəki əməliyyat onun son döyüşü olub.
Azərbaycan Respublikası Prezidentinin 1994-cü il 5 yanvar tarixli fərmanı ilə ölümündən sonra Azərbaycanın Milli Qəhrəmanı adına layiq görülüb.
Tədbirdə məktəblilərin ifasında kompozisiya təqdim edilib.
Həmçinin Ağcabədi şəhərindəki
Qarabağ Muğam Mərkəzində
Etibar İsmayılova həsr edilmiş “Vətənə etibarlı oğul” və “Vətən mənə oğul desə” filmləri nümayiş
etdirilib.
Mədəniyyət.- 2016.- 6
yanvar.- S. 2.