Ölkəmizin xristian icmaları
Milad bayramını qeyd ediblər
Yanvarın 7-si bütün
dünyada pravoslav xristianları tərəfindən
İsa peyğəmbərin
mövludu günü
- Milad bayramı qeyd olunub.
Bakıda yaşayan pravoslavlar Milad bayramını qeyd ediblər. Paytaxtdakı kilsələrdə bayram ayinləri yerinə yetirilib. İsa peyğəmbərin mübarək
mövludu ilə əlamətdar olan və hər il Azərbaycanda
da qeyd edilən
Milad bayramının əsas qayəsi sevgi, sülh, bağışlamaqdır.
Prezident
İlham Əliyevin Azərbaycanın pravoslav xristian icmasına təbrikində bildirilir ki, bu gün
dünyada nümunəvi
tolerantlıq örnəyi,
sivilizasiyalararası və
mədəniyyətlərarası dialoq məkanı kimi tanınan ölkəmizdə tarixən
dinlər əmin-amanlıq,
qarşılıqlı hörmət
və etimad şəraitində fəaliyyət
göstərib, fərqli
mədəniyyətlərin təmsilçiləri olan
ayrı-ayrı xalqlar
və etnik icmalar ümumi Vətən sevgisi, həmrəylik nümayiş
etdiriblər. Bu gün cəmiyyətimizin
ayrılmaz üzvləri
olan xristian etiqadlı həmvətənlərimiz
millətlərarası və
dinlərarası münasibətlərə
öz layiqli töhfələrini verərək
ictimai-siyasi həyatın
bütün sahələrində
yaxından iştirak edirlər.
* * *
Milad bayramı
Xaçmazda yerləşən
“Müqəddəs möcüzəvi
Nikolay” pravoslav kilsəsində də qeyd olunub. Ölkəmizin şimal rayonlarında yaşayan xristian icmasının üzvləri
kilsəyə gələrək
dini ayinlər həyata keçirib, dualar oxuyublar.
Mərasimdə Prezident İlham Əliyevin Azərbaycanın
pravoslav xristian icmasına ünvanladığı
bayram təbriki oxunub. Dini ayinlərin icrasından
sonra bayram şirniyyatları paylanılıb.
* * *
Qəbələ rayonunun Nic qəsəbəsinin
sakinləri olan udinlər də bu günü qeyd ediblər. Qəsəbədə yaşayan udinlər yanvarın 7-də “Cotari” alban kilsəsində təşkil olunan bayram mərasiminə toplaşıblar. Tədbirdə
alban-udin icmasının
rəhbəri, kilsənin
keşişi və icmanın üzvləri çıxış edərək
Milad bayramının mahiyyətindən, tolerantlıq
diyarı olan Azərbaycanda dini ayinlərin icrası üçün yaradılan
şəraitdən, dövlətimizin
onlara olan diqqət və qayğısından danışıblar.
Udinlər rayonda onlara qarşı heç bir ayrı-seçkiliyin olmadığını, Nicdəki
“Cotari” alban kilsəsinin əsaslı şəkildə bərpasını
ölkədə tolerantlıq
mühitinə gözəl
nümunə kimi qeyd ediblər. Məlumat
verilib ki, Nic qəsəbəsində 3 kilsə
və 2 məscid var.
6 min nəfər əhalisi
olan qəsəbədə
3700 udin yaşayır.
Ümumilikdə isə ölkəmizdə
4000 nəfər udin yaşayır ki, onların 300-ü Oğuz
və Bakıda qeydiyyatdadır. Dünyada yaşayan
udinlərin sayı isə 10 minə yaxındır. Qəsəbədə udinlər öz dilini, dinini, adət-ənənələrini 2500 ildir qoruyub saxlayırlar.
Nicdəki məktəblərin ibtidai siniflərində udin dili tədris
olunur, kilsədə dini ayinlər onların ana dilində icra edilir.
Qeyd edilib ki, sovet hakimiyyəti
illərində udinlərə
öz bayramlarını
qeyd etmək qadağan olunub. Ancaq ölkəmiz müstəqilliyini
bərpa etdikdən sonra udinlər bayramlarını hər il qeyd edirlər. Onlara yaradılan imkanların bariz nümunəsi kimi, 2002-ci ildə “Cotari“ məbədi
əsaslı təmir-bərpa
olunaraq istifadəyə
verilib. Bir sözlə, müsəlman
və xristianların mehriban şəkildə birgə yaşadığı
Nic qəsəbəsi tolerantlığın
kiçik modeli hesab edilir.
Çıxışlardan sonra kilsədə şamlar yandırılıb,
dualar oxunub, bayram süfrəsi açılıb.
Mədəniyyət.- 2016.- 8
yanvar.- S. 4.