“Azərbaycan multikulturalizmi” dərsliyi hazırlanır

Azərbaycan Respublikasının millətlərarası, multikulturalizm və dini məsələlər üzrə Dövlət müşaviri, akademik Kamal Abdullayevin təşəbbüsü və redaktorluğu ilə “Azərbaycan multikulturalizmi” dərsliyi hazırlanır.

Bununla bağlı Bakı Beynəlxalq Multikulturalizm Mərkəzində dərsliyi hazırlayan müəlliflərlə toplantı keçirilib. Toplantıda dərsliyin istiqamətləri müəyyənləşdirilib və müəlliflərlə yazacaqları bölmələrə dair fikir mübadiləsi aparılıb.

Bildirilib ki, hazırda dünyanın 11 universitetində “Azərbaycan multikulturalizmi” fənni tədris edilir. Bu dərsliyə ehtiyac var və ona olan ehtiyac təkcə Azərbaycan multikulturalizminin təbliği ilə deyil, eyni zamanda, dünyada, xüsusən də Avropa ölkələrində olan multikultural ənənələrin müqayisəli şəkildə öyrənilməsi ilə bağlıdır.

Dərslik Bakı Beynəlxalq Multikulturalizm Mərkəzinin layihəsi çərçivəsində ölkəmizin və dünyanın universitetlərində Azərbaycan multikulturalizmi fənnini tədris edən müəllimlər üçün nəzərdə tutulur.

Mədəniyyət.- 2016.- 15 yanvar.- S. 4.