Polşada Avropa Oyunları haqqında fotoalbom çapdan çıxıb

Polşa Olimpiya Komitəsinin sədri Andjey Kraşnitskinin təşəbbüsü ilə “Bakı-2015” ilk Avropa Oyunlarına həsr edilmiş fotoalbom nəşr olunub. Azərbaycanın Varşavadakı səfirliyindən bildiriblər ki, Polşa Olimpiya Komitəsində təşkil olunan tədbirdə nəşrin təqdimatı keçirilib.

Albomda Avropa Oyunlarının təntənəli açılış və bağlanış mərasimlərini, yüksək standartlara cavab verən idman obyektlərini, İçərişəhəri, Qız qalasını, “Alov qüllələri”ni, Bakının küçələrini, Azərbaycan xalçalarını əks etdirən fotolar yer alıb. İlk Avropa Oyunları ilə bağlı bir çox məqamları, Oyunlara hazırlığı, polşalı idmançıların nailiyyətlərini və Bakı şəhərinin füsunkarlığını əks etdirən yüzlərlə fotoşəkil də verilib, hər fotoya dair şərh qeyd olunub.

Mədəniyyət.- 2016.- 15 yanvar.- S. 2.