“Hay ver mənə, cənab leytenant”

Aprel döyüşlərinin ildönümü ərəfəsində filologiya üzrə fəlsəfə doktoru Yaqut Bahadurqızının “Hay ver mənə, cənab leytenant” kitabı işıq üzü görüb. Kitab işğalçı Ermənistan hərbi birləşmələrinin 2016-cı il aprelin 2-də ölkəmizə qarşı növbəti təxribatının qarşısının alınmasında qəhrəmanlıq göstərərək şəhid olmuş, Mi-24 hərbi helikopterinin ekipaj üzvü, baş leytenant Əbubəkr İsmayılovun qısa, şərəfli həyatından, şəxsi keyfiyyətlərindən bəhs edir. Şəhidin doğmaları, dostları müəllimləri və iş yoldaşlarının söylədikləri maraqlı xatirələr, kütləvi informasiya vasitələrində və sosial şəbəkələrdə onun haqqında yazılanlar da kitabda öz əksini tapıb.

Mədəniyyət.- 2017.- 7 aprel.- S.7.