“Azərbaycan xalqının “tərcümeyi-halı” ərəb dilində işıq üzü görüb

Nazirlər Kabineti yanında Tərcümə Mərkəzinin növbəti nəşri - “Azərbaycan xalqının tarixi və ya “tərcümeyi-halı” kitabı ərəb dilində işıq üzü görüb.

Mərkəzdən verilən məlumata görə, kitab azərbaycanlıların millət kimi formalaşma dövrləri və mərhələlərindən bəhs edir. Kitabın müəllifi AMEA-nın müxbir üzvü Nizami Cəfərov, ərəb dilinə tərcüməsinin müəllifi Misirin Azərbaycandakı səfirliyinin mədəniyyət məsələləri üzrə attaşesi, filologiya üzrə fəlsəfə doktoru Əhməd Sami Əl-Aydidir.

Nəşrdə Azərbaycan xalqının zəngin etnik, siyasi və mədəni ənənələri əsasında milli mənliyini qoruyub saxlaması, demokratik inkişaf yolu ilə irəliləməsi, özünü dünya çapında təsdiq etməsi tarixi faktlar və sənədlərlə əksini tapıb.

Mədəniyyət.- 2017.- 12 aprel.- S.15.