“Rəssamın seçimi” - sərgi və film

Aprelin 18-dən “YARAT” Müasir İncəsənət Mərkəzində “Rəssamın seçimi” adlı silsilə film nümayişinə başlanılıb. Layihə çərçivəsində əvvəlcə hind rejissoru Tarsem Sinqhin “Enmə” filmi nümayiş etdirilib.

Silsilə nümayişin əhəmiyyəti ondan ibarətdir ki, iştirakçılar Orxan Hüseynovun “YARAT”da açılmış “Əziz sevgilim” sərgisini seyr etməklə yanaşı, rəssamın təklif etdiyi filmlərə də baxa biləcəklər. Təqdim olunacaq ekran əsərləri sərginin konsepsiyasını əks etdirir.

ABŞ və Hindistanın birgə istehsalı olan filmin baş qəhrəmanı Hollivud kaskadyoru Roy Uoker çəkiliş zamanı körpü üzərində uğursuz tryuk zamanı ağır zədə aldıqdan sonra ayaqları iflic olur. O, xəstəxanada müalicəsini davam etdirir və vaxtını səmərəli keçirmək üçün Aleksandriya adlı qızcığaza nağıllar danışır.

Mədəniyyət.- 2017.- 19 aprel.- S.10.