Ölkəmizin tarix səhifələri qrafika və heykəltəraşlıq əsərlərində

Mayın 2-də Mədəniyyət və Turizm Nazirliyi və Azərbaycan Dövlət Rəsm Qalereyasının təşkilatçılığı ilə Muzey Mərkəzində “İRS”. Respublikanın sərvəti. Ölkəmizin tarix səhifələri qrafika və heykəltəraşlıq əsərlərində” adlı sərgi açılacaq.

Sərginin təşkilində əsas məqsəd milli incəsənətimizin nadir incilərinin geniş tamaşaçı auditoriyasına təqdim edilməsi, turistlərə mədəni xidmət göstərilməsi, eyni zamanda, Bakıda keçiriləcək Dünya Mədəniyyətlərarası Dialoq Forumu iştirakçılarının mədəni proqramının zənginləşdirilməsidir.

Sərgi mayın 8-dək davam edəcək.

Tədbir çərçivəsində Dövlət Rəsm Qalereyasının Mədəniyyət və Turizm Nazirliyi tərəfindən təsdiq olunmuş xüsusi loqotipi də təqdim ediləcək. 1972-ci ildə yaradılan Azərbaycan Dövlət Rəsm Qalereyasının fondunda 10 minədək əsər toplanıb.

Mədəniyyət.- 2017.- 26 aprel.- S.3.