Ceyhun Hacıbəylinin memuarı çapdan çıxıb

Azərbaycan mühacirət ədəbi-elmi fikrinin görkəmli nümayəndəsi Ceyhun Hacıbəylinin “Bir il xəyallarda... və bütöv bir ömür” memuarı “Təhsil” nəşriyyatında işıq üzü görüb.

Memuar Xalq yazıçısı Elçinin ideya müəllifi və rəhbəri olduğu layihə çərçivəsində nəşr olunub.

İyirmi doqquz yaşından Fransada mühacir həyatı yaşamağa məcbur olmuş C.Hacıbəylinin fransız dilində qələmə aldığı və sağlığında nəşr etdirə bilmədiyi “Bir il xəyallarda... və bütöv bir ömür” memuarı ənənəvi avtobioqrafik əsərlərdən, bizə bəlli xatirələrdən tam fərqli bir düşüncənin, maraqlı üslubun, yüksək intellektin bədii məhsuludur.

Əsəri orijinaldan Azərbaycan dilinə Mirzəbala Əmrahov tərcümə edib. Nəşrin redaktoru və “Ön söz”ün müəllifi filologiya üzrə elmlər doktoru Abid Tahirli, elmi məsləhətçisi filologiya üzrə fəlsəfə doktoru, dosent Nikpur Cabbarlıdır.

Mədəniyyət 2017.- 30 avqust.- S.2.