Milli Dram Teatrının kollektivi cənub bölgəsində qastrolda

Fevralın 14-də Akademik Milli Dram Teatrının kollektivi “Vəsiyyət” tamaşası ilə cənub bölgəsinə qastrol səfərinə yollanıb. Yazıçı-dramaturq Hüseynbala Mirələmovun “Axirətdən gələn zəng” pyesi əsasında səhnələşdirilən tamaşa Lənkəran, Astara, Masallı, Cəlilabad və Biləsuvarda teatrsevərlər üçün nümayiş olunacaq. İkihissəli “qara komediya”nın quruluşçu rejissoru Əməkdar artist Firudin Məhərrəmov, rejissoru Əlif Cahangirli, səhnə tərtibatçısı Xalq rəssamı Nazim Bəykişiyev, musiqi tərtibatçısı Kamil İsmayılovdur.

Səhnə əsərində əməkdar artistlər Abbas Qəhrəmanov, Münəvvər Əliyeva, Mirzə Ağabəyli, Almaz Amanova, Kazım Həsənquliyev və başqaları çıxış edir.

Mədəniyyət.- 2017.- 15 fevral.- S.4.