Gənc Tamaşaçılar Teatrında “Könlümə düşmüsən”

Martın 8-də Azərbaycan Dövlət Gənc Tamaşaçılar Teatrında Beynəlxalq Qadınlar Günü münasibətilə “Könlümə düşmüsən” adlı şou-proqram təqdim olunacaq. Teatrın gənc və istedadlı aktyoru İlham Əsədovun kollektivin xanımlarının şərəfinə verdiyi konsert proqramı artıq ənənə halını alıb.

Artıq 9-cu ildir baş tutan konsertin əsas məqsədi xanımların zövqlərini oxşayacaq musiqi nömrələri təqdim etmək, yaddaqalan bayram sevinci yaşatmaq, teatr rəhbərliyi tərəfindən hazırlanmış xüsusi hədiyyələrlə sevindirməkdir.

Şou-proqramda xanımlar üçün İlham Əsədovun və dəvət olunmuş qonaqların ifasında Azərbaycan və dünya musiqi nümunələrindən ibarət maraqlı repertuar, teatrın kişi aktyorları tərəfindən hazırlanmış səhnəciklər və parodiyalar təqdim ediləcək.

Mədəniyyət.-2017.- 3 mart.- S.4.