“Azərbaycanda davamlı turizm məhsulları”

Məqalə müsabiqəsi

“Azərbaycanda davamlı turizm məhsulları” mövzusunda respublika məqalə müsabiqəsi elan olunur. Müsabiqə dövlətin turizm siyasəti sahəsində həyata keçirdiyi tədbirlərin, gördüyü işlərin cəmiyyətdə daha geniş təbliği, davamlı turizm sahəsi üzrə aktual mövzuların ictimaiyyətin diqqətinə çatdırılması, həmin mövzularda tədqiqat işlərinin aparılmasına mütəxəssislərin cəlb olunması, elmi tədqiqatların nəticələrinin təqdim edilməsi, habelə “Beynəlxalq davamlı turizm ili”nin elan olunmasına diqqətin artırılması məqsədilə keçirilir. Bununla əlaqədar Azərbaycan Turizm və Menecment Universitetində Təşkilat komitəsi yaradılmış və müsabiqənin keçirilməsi ilə bağlı qaydalar təsdiq edilmişdir.

Müsabiqədə aşağıdakı istiqamətlərdə təqdim edilmiş məqalələrə üstünlük verilir:

- hərtərəfli və dayanıqlı iqtisadi inkişaf;

- sosial cəlbedicilik, məşğulluq və yoxsulluğun azaldılması;

- təbii ehtiyatlardan səmərəli istifadə, ətraf mühitin mühafizəsi və iqlim dəyişikliyi;

- mədəni dəyərlər, müxtəliflik və irs;

- qarşılıqlı anlaşma, sülh və təhlükəsizlik məsələlərində turizmin rolu.

Müvafiq qaydalara uyğun hazırlanmış məqalələr Təşkilat komitəsinə 2017-ci ilin 10 mart tarixindən 7 sentyabr tarixinə qədər iş günləri saat 10:00-dan 16:00-dək Azərbaycan Turizm və Menecment Universitetinə şəxsən təqdim olunmalıdır.

Tələb olunan sənədlər:

Şəxsiyyət vəsiqəsinin surəti;

İştirakçının anket forması.

Əlaqə məlumatları:

AZ1072, Bakı şəhəri, Nərimanov rayonu, K.Rəhimov küçəsi 822/23.

Azərbaycan Turizm və Menecment Universiteti.

Tel: (+994 12) 564 42 33 (daxili 126);

Fax: (+994 12) 564 42 34;

E-mail: info@atmu.edu.az, q.mammadova@atmu.edu.az;

Əlavə məlumat üçün: www.atmu.edu.az;

Əlaqələndirici şəxs: Qahirə Məmmədova.

Mədəniyyət.- 2017.- 15 mart.- S.9.