“Retro Bakı” layihəsinin möhtəşəm bayram konserti

Bakı Şəhər Mədəniyyət və Turizm Baş İdarəsinin "Retro Bakı" layihəsi Qurban bayramı günlərində zəngin konsert proqramı ilə Bakı sakinlərinin və qonaqlarının görüşünə gəlib.

Mədəni tədbirlərin təşkili və yaradıcı gənclərlə iş üzrə mərkəzin təşkilatçılığı ilə Fəvvarələr meydanında keçirilən konsertdə ötən həftəsonu Xalq artisti Nazpəri Dostəliyeva, əməkdar artistlər Ədalət Şükürov, Elza Seyidcahan müğənnilər Rasimə Seyidcahan, Təranə Mahmudova, Orxan Babazadə, Fərid Eminov, Çinarə Bəkirova, Həmidə Hüseyn, Mətin Rzazadə, Aygün Məmmədli, Əhməd Mustafayev, Könül Şıxəliyeva, Emil Əliyev, Nofəl Aslanov, Əlisahib Cəlilov, Əhməd Mustafayev, Ruslan Zülfiqarovun ifaları paytaxt sakinlərinə xoş ovqat bəxş edib.

“Aysel” və “Məryəm” rəqs ansamblları çıxışları isə milli rəqslərimizi sevən tamaşaçılarda bayram əhval-ruhiyyəsi yaradıb. Konsert proqramının rəngarəng musiqi sədaları altında paytaxt sakinləri ilə yanaşı ölkəmizdə olan turistlər də rəqs edərək maraqlı anlar yaşayıblar.

Mədəniyyət.- 2017.- 6 sentyabr.- S.6.