Qonaq gəlib bizə dostlar

Bakı Şəhər Mədəniyyət Baş İdarəsinin Mərdəkan Mədəniyyət sarayında Azərbaycan ilə Gürcüstanın dostluğuna həsr edilmiş növbəti konsert proqramı təqdim edilib.

Tədbirdə Mədəniyyət sarayının “Lalələr” rəqs kollektivinin rəngarəng çıxışları, 4 nömrəli Uşaq incəsənət məktəbinin “Nağaraçılar” instrumental ansamblının ifaları, “Məşəl” rəqs kollektivinin çıxışları tamaşaçılarda şən əhval-ruhiyyə yaradıb. Mədəniyyət sarayının solisti Xədicə Əhmədovanın ifaları isə alqışlarla qarşılanıb.

Həmçinin, Gürcüstanı təmsil edən “Tbilisi”, “Tergi”, “Laprebi” rəqs kollektivlərinin rəngarəng çıxışları da maraqla izlənilib.

Mədəniyyət.- 2018.- 27 aprel.- S.8.