Birgə komissiya qarşılıqlı turizm axınına dəstək verəcək

Azərbaycan Turizm Assosiasiyası (AZTA) ilə Macarıstanın ölkəmizdəki səfirliyi arasında birgə komissiya yaradılır. Bu barədə razılıq AZTA-nın sədri Nahid Bağırovla Macarıstanın Azərbaycandakı səfiri Viktor Szederkenyi arasında keçirilən görüşdə əldə olunub. AZTA-dan bildirilib ki, birgə komissiyanın fəaliyyəti ikitərəfli turizm axınına dəstəyin göstərilməsindən ibarət olacaq. Assosiasiya quruma üzv olan nümunəvi şirkətlərin siyahısını hazırlayaraq yaxın günlərdə səfirliyə təqdim edəcək. Həmçinin AZTA üzvləri üçün xüsusi viza qeydiyyatı prosedurlarının tətbiqini təklif edib.

Tərəflər qarşılıqlı infoturların və görüşlərin keçirilməsi barədə qərara gəliblər.

Mədəniyyət.- 2018.- 9 fevral.- S.9.