İçərişəhərdə “Yay yemək festivalı”

İyunun 15-də İçərişəhərdə Qoşa qala qapısı yaxınlığında “Summer Food Fest” (“Yay yemək festivalı”) təşkil ediləcək.

“İçərişəhər” Dövlət Tarix-Memarlıq Qoruğu İdarəsindən bildirilib ki, festivalda paytaxtın 20-dən çox restoran və kafesi sevilən yeməklərdən əlavə, xüsusi menyular da təqdim edəcək. İştirakçıları hər gün restoranlar tərəfindən təşkil ediləcək viktorinalar, master-klaslar, dequstasiyalar, uşaqlar üçün əyləncə, zövqlü musiqi gözləyir.

Qoruq idarəsi və “Meal for Real onlayn” kulinariya platforması tərəfindən təşkil olunan festival iyulun 1-dək davam edəcək.

Mədəniyyət.- 2018.- 8 iyun.- S.2